മലയാളസിനിമയിലെ കവിതകൾ

Abstract

ദൃശ്യവും മൂര്‍ത്തവുമായ ഒരു കലാരൂപവും സാംസ്‌കാരികോല്‍പ്പന്നവുമാണ് സിനിമ. സിനിമയില്‍ ദൃശ്യവിസ്മയത്തിന്  പശ്ചാത്തലമൊരുക്കുകയാണ് സിനിമാഗാനങ്ങള്‍ ചെയ്യുന്നത്. കലയെ ആഘോഷങ്ങളുടെ ഭാഗമായി കണ്ടിരുന്ന പ്രേക്ഷകര്‍ക്ക് പ്രതീക്ഷ നല്‍കുന്ന രീതിയില്‍ പാട്ടും സംഗീതവും സമന്വയിപ്പിച്ച് ദൃശ്യവിരുന്നൊരുക്കാന്‍ കഴിഞ്ഞതോടെ ചലച്ചിത്രങ്ങള്‍ ജനപ്രിയകലാരൂപമായി മാറി. ജനപ്രിയതയുടെ മുഖമായി ചലച്ചിത്രഗാനങ്ങള്‍ മാറുകയും ചെയ്തു. സംഗീതത്തിൻ്റെ ഏറ്റവും ജനപ്രിയരൂപവും ചലച്ചിത്രഗാനങ്ങള്‍ തന്നെ. വൈകാരികനിമിഷങ്ങളെ ആര്‍ദ്രമാക്കുന്നതിന് അനുയോജ്യമായ സംഗീതം ഉപയോഗിക്കുകയെന്നത് ഇന്ന് പതിവുശൈലിയായി മാറുന്നു.