കഥാപാത്ര സമീക്ഷ

നളചരിതം ആട്ടക്കഥ, നളചരിതം തുള്ളൽ എന്നിവയെ ആധാരമാക്കി ഒരു താരതമ്യവിശകലനം

Abstract

സാഹിത്യകാരൻ്റെ വീക്ഷണത്തിനനുസൃതമായി, അയാളുടെ പ്രത്യയശാസ്ത്രപരമായ ആഭിമുഖ്യങ്ങളെ പ്രകാശിപ്പിക്കാനുതകും വിധം യഥാർത്ഥമോ, ആനുഭവികമോ, ഭാവനാപരമോ ആയ ഒരു ഇതിവൃത്തമണ്ഡലത്തെ സൃഷ്ടിക്കാനോ പുനരവതരിപ്പിക്കാനോ വേണ്ടി സാഹിത്യകാരന്‍ രൂപപ്പെടുത്തുന്ന സാന്ദർഭിക കരുക്കളാണ് കഥാപാത്രങ്ങള്‍. ഈ കരുക്കളുടെ വികാസവും സങ്കോചവും നിലകൊള്ളുന്നത് സാഹിത്യകാരൻ്റെ സാമൂഹികമായ അനുഭവങ്ങളുടെയും ബന്ധങ്ങളുടെയും പരിധിക്കുളളിലാണ്. ഇപ്രകാരം, കുഞ്ചന്‍ നമ്പ്യാരും ഉണ്ണായിവാരിയരും തങ്ങളുടെ കഥാപാത്രങ്ങള്‍ മുഖേന നിർവഹിച്ച ദൗത്യം കാലഘട്ടത്തെ നവീകരിക്കുകയെന്നതാണ്. അതു സംബന്ധിച്ച പഠനമാണ് ഇവിടെ ഉദ്ദേശിക്കുന്നത്.