വിമർശകനായ എം. തോമസ് മാത്യു

(Vimarsakanaya M. Thomas Mathew)

Abstract

മലയാളനിരൂപണചരിത്രത്തില്‍ ദാര്‍ശനികതയുടെ തനിമയുള്ള സാഹിത്യവിമര്‍ശകനാണ് എം. തോമസ് മാത്യു. സ്വാര്‍ജ്ജിതമായ സാഹിത്യസംസ്കാരത്തിൻ്റെ പ്രയോജനത്തിലൂടെ ആസ്വാദനതലത്തില്‍ ഭാവുകത സൃഷ്ടിക്കാന്‍ കഴിഞ്ഞ വിമര്‍ശകനാണ് എം. തോമസ് മാത്യു. അദ്ദേഹത്തെ സംബന്ധിച്ച് വിമര്‍ശനം എഴുത്തുകാരൻ്റെ ഹൃദയസത്യം തേടിയുള്ള തീവ്ര അന്വേഷണമായിരുന്നു. വിമര്‍ശനയാത്രയിലുടനീളം സാഹിത്യത്തെ കലയായി മാത്രം കണ്ട വിമര്‍ശകന്‍. കലാദര്‍ശനത്തെ വിട്ടുവീഴ്ചയില്ലാതെ അടയാളപ്പെടുത്തുന്ന ഗൗരവേമേറിയ ജോലിയാണദ്ദേഹം നിർവ്വഹിച്ചുപോന്നത്. ഉന്നതമായ സാംസ്കാരിക പ്രവര്‍ത്തനമെന്ന രീതിയില്‍ത ന്നെയാണ് അദ്ദേഹം തൻ്റെ സാഹിത്യസപര്യയെ കണ്ടിട്ടുള്ളത്.