ആത്മപരതയുടെ ആഖ്യാനഭേദങ്ങൾ

Abstract

വ്യക്തിയുടെ ആത്മനൊമ്പരങ്ങൾ ഹൃദയാവർജകമായ രീതിയിൽ അവതരിപ്പിക്കുന്ന കഥാകൃത്താണ് ടി. പത്മനാഭൻ. അതുകൊണ്ടുതന്നെ അദ്ദേഹത്തിന്റെ കഥകളിൽ ആത്മാഖ്യാനത്തിന്‍റെ ചാരുത നിറഞ്ഞുനിൽക്കുന്നു. സ്വാനുഭവപരിധിയിൽനിന്ന് കഥാവസ്തുക്കൾ കണ്ടെടുത്ത് ജീവിതാവിഷ്കാരം സാധിക്കുന്ന കഥാകൃത്ത് പലപ്പോഴും കഥാപാത്രങ്ങൾക്ക് പേരു നൽകി കാണുന്നില്ല. പകരം അയാൾ, ഞാൻ തുടങ്ങിയ സർവനാമങ്ങളിലൂടെയും വൃദ്ധൻ, അച്ഛൻ, കുട്ടി തുടങ്ങിയ സാമാന്യനാമങ്ങളിലൂടെയുമാണ് മിക്ക കഥകളിലും കഥാപാത്രങ്ങളെ അവതരിപ്പിച്ചിട്ടുള്ളത്. എന്നാൽ കഥാരചനയുടെ സമകാലികഘട്ടത്തിൽ ടി. പത്മനാഭൻതന്നെ അദ്ദേഹത്തിന്‍റെ കഥകളിൽ കഥാപാത്രമായി കടന്നുവരുന്നു. മരയ എന്ന കഥാസമാഹാരത്തിലെ ഒട്ടെല്ലാ കഥകളിലും നായകൻ കഥാകൃത്തുതന്നെയാണ്. കഥാകൃത്ത് കഥയിൽ അവതീർണനായ സാഹചര്യമെന്തെന്നും അത്തരത്തിലുള്ള ആഖ്യാനവൈവിധ്യം ആത്മപരത നിറഞ്ഞുനിൽക്കുന്ന കഥാഘടനയിൽ വരുത്തുന്ന വൈവിധ്യഭംഗികൾ എന്തെന്നുമുള്ള അന്വേഷണമാണ് ഈ പഠനം. മരയ എന്ന കഥാസമാഹാരത്തിലെ കഥകളെ അടിസ്ഥാനമാക്കിയാണ് പഠനം നടത്തിയിട്ടുള്ളത്.