ആധുനികതയുടെ ഉടമ്പടിരേഖകള്‍ ആദ്യകാല മലയാളചെറുകഥകളില്‍

Abstract

കൊളോണിയല്‍ ആധുനികതയുടെ സന്ദര്‍ഭത്തില്‍ ഇവിടെ രൂപം കൊണ്ട ചെറുകഥ  എന്ന സാഹിത്യരൂപം രൂപതലത്തില്‍ മാത്രമല്ല ഭാവതലത്തിലും നവീനമായിരുന്നു എന്ന സങ്കല്‍പമാണ് പൊതുവെ പങ്കുവെക്കപ്പെട്ടിട്ടുള്ളത്. എന്നാല്‍ പത്തൊമ്പതാം നൂറ്റാണ്ടിന്‍റെ അവസാനഘട്ടത്തില്‍ പിറന്ന നോവലുകളെപ്പോലെയുള്ള നവീനമായ ഒരു ഭാവുകത്വപരിസരമല്ല അതേകാലത്ത് തന്നെ എഴുതപ്പെട്ട ചെറുകഥകള്‍ പ്രകടിപ്പിച്ചത് എന്ന വാദമാണ് ഈ പ്രബന്ധം മുന്നോട്ടുവെക്കുന്നത്. ആധുനികതയുടേതായ ഒരു പശ്ചാത്തലത്തില്‍ രൂപപ്പെട്ടു എന്ന് തോന്നുമ്പോഴും അവ മുന്നോട്ടുവെക്കുന്ന മൂല്യങ്ങള്‍ ഫ്യൂഡലാണെന്ന് സ്ഥാപിക്കാനാണ് ഈ പ്രബന്ധം വഴി ശ്രമിക്കുന്നു.