നവമാധ്യമങ്ങളും കൃത്രിമബുദ്ധിയും: മലയാളഭാഷാപ്രയോഗത്തിൻ്റെ സമകാലിക സമൂഹഭാഷാശാസ്ത്ര പഠനം

(Navamadhyamangalum kruthrimabuddhiyum: Malayalabhasha prayogathinte samakalika samoohabhashasastra padanam)

Abstract

നവമാധ്യമങ്ങളുടെയും കൃത്രിമബുദ്ധിയുടെയും വ്യാപനം മനുഷ്യരുടെ ആശയവിനിമയ രീതികളിലും ഭാഷാപ്രയോഗത്തിലും ഗണ്യമായ മാറ്റങ്ങൾ സൃഷ്ടിച്ചിട്ടുണ്ട്. ഡിജിറ്റൽ സാങ്കേതികവിദ്യയുടെ വളർച്ചയോടൊപ്പം ഭാഷയുടെ രൂപവും ഉപയോഗവും പുതിയ സാമൂഹിക-സാംസ്കാരിക സാഹചര്യങ്ങളിൽ പുനർനിർവചിക്കപ്പെടുകയാണ്. ഭാഷ മനുഷ്യസമൂഹത്തിൻ്റെ ആശയവിനിമയ ത്തിനും അറിവിൻ്റെ കൈമാറ്റത്തിനും അടിസ്ഥാനഘടകമായതിനാൽ സാങ്കേതികവിദ്യയുടെ പുരോഗതി ഭാഷയുടെ വികാസത്തെയും സ്വാധീനിക്കുന്നു. അച്ചടി, കമ്പ്യൂട്ടർ, ഇന്റർനെറ്റ്, സ്മാർട്ട്ഫോൺ തുടങ്ങിയ സാങ്കേതിക പുരോഗതികൾ മലയാളഭാഷയുടെ വ്യാപ്തിയും പ്രയോഗപരിധിയും വികസിപ്പിച്ചു.