ആട്ടപ്രകാരം - അരങ്ങിൻ്റെ അക്ഷരപാഠം

Aattaprakaram - arangin്te aksharapadam

Abstract

സംസ്കൃത നാടകാവതരണമായ കൂടിയാട്ടത്തിൻ്റെ മലയാളത്തിലുള്ള രചിതപാഠമാണ് ആട്ടപ്രകാരം. ആടാനുള്ള പ്രകാരം എന്നോ ആടിയ പ്രകാരം എന്നോ പറയാം. ഒരു അവതരണം നാടകത്തില്‍ നിന്ന് അരങ്ങിലേയ്ക്ക് വികസിക്കുന്നത് ആട്ടപ്രകാരത്തിലാണ്. നാടകത്തിനും അവതരണത്തിനും ഇടയ്ക്കുള്ള ഈ ദ്വിതീയ ഗ്രന്ഥപാഠത്തിലാണ് ആട്ടത്തിൻ്റെ സത്ത ഉള്ളടങ്ങുന്നത്. ഈ പരിണാമപ്രക്രിയയില്‍ ദേശത്തിൻ്റെ കലാസങ്കല്പങ്ങളും പ്രയോക്താക്കളുടെ ലാവണ്യബോധവും ഒരു കലയെ എങ്ങനെയൊക്കെ സ്വാധീനിക്കാം എന്ന ചിന്ത ഈ പഠനം മുന്നോട്ടുവയ്ക്കുന്നു. മലയാള ഭാഷാചരിത്രത്തിൻ്റെ ഒരു ഘട്ടത്തില്‍ സവിശേഷമായി പരാമര്‍ശിക്കപ്പെടുന്ന സാഹിത്യമാതൃക കൂടിയാണ് ആട്ടപ്രകാരം. ഒരു കലാരൂപത്തിൻ്റെ എഴുത്തുപാഠം എന്ന നിലയിലുള്ള ആട്ടപ്രകാരത്തിൻ്റെ പ്രസക്തിയും പ്രബന്ധത്തില്‍ ചര്‍ച്ചചെയ്യുന്നു.