ആധുനികത അനുഭവവും ആവിഷ്കരണവും ഭൂതരായരിൽ

(Adhunikatha anubhavavum avishkaranavum Bhootharayavaril)

Abstract

രാമവര്‍മ അപ്പന്‍തമ്പുരാൻ്റെ 150-ാം  ജന്മവാര്‍ഷികമാണു  കടന്നുപോയത്.  സാഹിത്യപരീക്ഷണങ്ങളും കൗതുകവൈവിധ്യങ്ങളും നിറഞ്ഞ അപ്പന്‍തമ്പുരാൻ്റെ സംഭാവനകളില്‍ ഏറെ പ്രധാനപ്പെട്ടതാണ് ഭൂതരായര്‍ എന്ന നോവല്‍. മലയാളത്തിലെ ആദ്യകാലചരിത്രനോവലായ ഭൂതരായർ ആധുനികാനുഭവങ്ങളോട് എങ്ങനെ പ്രതികരിക്കുന്നു എന്ന അന്വേഷണമാണ് പ്രബന്ധം. കേരളീയമായ ആധുനികതയുടെ തുടക്കത്തിൽ - 1918 ലാണ് ഭൂതരായർ പ്രസിദ്ധീകൃതമാവുന്നത്. ആധുനികത സമൂഹത്തിലും സംസ്‌കാരത്തിലും വരുത്തിക്കൊണ്ടിരുന്ന മാറ്റങ്ങളെ സൂക്ഷ്മമായി അറിയുകയും അടയാളപ്പെടുത്തുകയും ചെയ്യുന്നു ഈ നോവൽ. ആധുനികതയുടെ ചരിത്രനിർമ്മിതി, സാംസ്‌കാരികഭൗതികസാഹചര്യങ്ങൾ, സാഹിത്യരൂപമാതൃക, കഥാപാത്ര രൂപീകരണം എന്നിവയോടുള്ള പ്രതികരണം ഭൂതരായരിൽ സൂക്ഷ്മമായി അടയാളപ്പെടുത്തിയിരിക്കുന്നു.