തിണപരികല്പന - എസ്. കെ. പൊറ്റെക്കാട്ടിൻ്റെ സമാഗമം എന്ന കഥയെ അടിസ്ഥാനമാക്കിയുള്ള പഠനം

Abstract

സ്ത്രീപുരുഷപ്രണയം വിവിധ തലങ്ങളിൽ ആവിഷ്കരിക്കുന്ന കഥകളിലൂടെയാണ് തുടക്കകാലത്ത് എസ്.കെ. പൊറ്റെക്കാട്ട് മലയാളവായനാസമൂഹത്തിൽ സ്വീകാര്യത നേടിയത്. പ്രണയവും പ്രണയഭംഗവും അനുഭവിക്കുന്ന സ്ത്രീകളുടെ മനോവികാരത്തെയും പ്രതികരണങ്ങളെയും കഥകളിലവതരിപ്പിച്ചുകൊണ്ടാണ് ഈ നേട്ടം അദ്ദേഹം കൈവരിച്ചത്. പ്രണയത്തിൻ്റെ ഗാഢാനുഭവം, പ്രണയം സൃഷ്ടിക്കുന്ന അനുഭൂതിലോകം മനുഷ്യനെ മാറ്റിമറിക്കുന്നത്, പ്രണയം ജീവിതത്തിൽ ഇടപെടുന്നത് എങ്ങനെ എന്നീ കാര്യങ്ങൾ പ്രണയകഥകളിലൂടെ എസ്.കെ. പൊറ്റെക്കാട്ട് ആഖ്യാനം ചെയ്യുന്നു. കഥകളിലെ സ്ഥലനിർമ്മിതിയിൽ സവിശേഷശ്രദ്ധ പുലർത്തിയ എഴുത്തുകാരൻ കൂടിയാണ് അദ്ദേഹം. പ്രകൃതിയുടെ മനോഹാരിതയും ഗ്രാമീണ ചുറ്റുപാടുകളും അദ്ദേഹത്തിൻ്റെ കഥകളിൽ കടന്നുവരുന്നു. ഇത്തരത്തിൽ, പ്രണയാവസ്ഥകളെ ദേശവും കാലവും സമയവുമായി കൂട്ടിയിണക്കുന്ന തൊൽക്കാപ്പിയരുടെ തിണസിദ്ധാന്തവുമായി എസ്.കെ. പൊറ്റെക്കാട്ടിൻ്റെ ‘സമാഗമം’ എന്ന കഥയ്ക്കുള്ള ചേർച്ച പരിശോധിക്കുകയാണ് ഈ പ്രബന്ധത്തിൽ.